سپریم کورٹ کےآصف زرداری کی نااہلی درخواست پر اعتراضات عائد

اسلام آباد: سپریم کورٹ نے سابق صدر آصف زرداری کی نااہلی درخواست پر اعتراضات عائد کرکے واپس کردی۔
سپریم کورٹ رجسٹرار آفس نے پی ٹی آئی کی سابق صدر اور شریک چیئرمین پیپلزپارٹی آصف زرداری کی نااہلی سے متعلق درخواست پر اعتراضات عائد کرکے واپس کردی، رجسٹرار آفس کی جانب سے اعتراض لگایا گیا ہے کہ درخواستیں متعلقہ فورم پر دائر نہیں کی گئیں جب کہ براہ راست سپریم کورٹ میں درخواست دائر نہیں کی جاسکتی۔

شریک چیئرمین پاکستان پیپلزپارٹی اور سابق صدر آصف علی زرداری کی نااہلی کے لیے تحریک انصاف نے سپریم کورٹ میں درخواست دائر کی تھی، تحریک انصاف کے رہنما عثمان ڈار اور خرم شیر زمان کی جانب سے دائر درخواست میں موقف اپنایا گیا تھا کہ آصف علی زرداری نے اپنے تمام اثاثہ جات کو ظاہر نہیں کیا لہذا انہیں آئین کے آرٹیکل 62،63 کے تحت نااہل کیاجائے۔

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے